TACLOBAN CITY- Nahikalasan an mga otoridad mahuman mahisabtan nga babaye an cadaver nga nasipatan ha kabaybayunan han Barangay Old Catig, Liloan, Southern Leyte.
Sumala han municipal police investigator nga an mao nga patay in nadiskubrihan ni Patricio Sajol nga dumagsa la ligid-dagat mahitungod han dagko nga balaod kun diin nasipatan nala ini nga butod ngan ada ha stage of decomposition ngan an postura han nawong in makuri na nga makilal-an pa.
Guinbana-bana han mga otoridad nga ada ini ha 40 anyos nga pangidaron, may kahitas-on nga 4’9”, ngan sugad man nakasul-ot hin stripe nga sleeveless ngan blue/orange nga short.
Pinaagi ha guindumara nga post mortem examination ni Dr. Elija Redulla han Liloan Community Hospital nga posible guintuyo pagpatay an mao nga biktima mahitungod han naangkon nga injury hini ha liog.
Samtang, dagmit naman nga guinlubong an patay nga lawas ha Liloan New Civil Cemetery pinaagi han rekomendasyon han health officers mahitungod nga posible daw magdurot hin sakit ha mga katawhan an baho han mao nga cadaver.
