TACLOBAN CITY – Nakit-an an patay nga lawas han usa nga senior citizen ha usa kanal han irrigation ha Sitio Hinogiran, Bgry. Balocawehay Abuyog, Leyte.
Gin kilala an biktima kan Avelina Lora, 63 anyos an pangidaron, usa nga paraghilot ngan residente han mao nga lugar.
Sumala kan PMajor. Luis Hatton, Chief of Police han Abuyog Municipal Police Station, nakainom-inom daw ine hin makahurubog nga irimnon han tipauli na ine kun diin gintotoohan nga nahulog daw ine ha usa nga irrigitation canal rason han iya pagkalumos nga nagresulta han iya pagkamatay.
Dugang pa hine, waray daw may nakakita han panhitabo mahitungod nga gab i daw ine nahitabo ngan nakit-an nala ine dida han aga na.
Waray naman nakikit-an nga foul play ha nasabi nga insidente.
Ha pagkayana in ginhuhulat pa hiton kapulisan an resulta han autopsy examination han biktima.
