TACLOBAN CITY – Patay an ada ha sakto nga pangidaron mahuman nga maghikog ha Tabango, Leyte.
Ginkilala an biktima kan Junery Isola, 32-anyos an pangidaron, ngan residente han Brgy. Tugas Tabango, Leyte.
Sumala kan PLt. Hazel Vacal, Information Officer han Leyte Provincial Police Office, an live-in partner hine nga ginkilala kan Wanelyn Arriesgado, an nakakita han biktima nga nakabitay na ine ha usa nga puno.
Basar han inisyal nga imbestigasyon han mga kapulisan, kumadto daw an biktima han ha ira uma para pamilngon an alaga hine nga karabaw, waray naman daw ine bumalik ha ira panimalay sanglit ginsundan na ine han live-in partner hine kun diin nahikit-an hine an biktima nga nakabitay na usa nga puno.
Dayun naman nga nangaro hin bulig an asawa han biktima kun diin dayun gihap ine nga ginrespondehan han mga otoridad.
Waray naman nakikita nga foul play han panhitabo pero gin pailarom la gihapon ha autopsiya an lawas han nasabi nga biktima.
