TACLOBAN CITY – Patay an usa nga lalaki, mahuman nga maghikog ha sulod han ira panimalay ha Brgy. 91, Abucay Tacloban City.
Ginkilala an biktima kan Arnold Engracial Abayan, 27-anyos an pangidaron, residente han Purok7, han nasabi nga barangay.
Sumala kan PMAJ. Marjorie Manuta, Information Officer han Tacloban City Police Office, nga subay ha ira gindumara nga imbestigasyon nga nakit-an nala han tatay han biktima nga nakabitay na ine gamit an higot nga pisi.
Usa naman nga ginhihingita nga rason han mga otoridad, ha pagpapakamatay han biktima matungod nga mayda ine ginkaka-atubang nga depresyon, kun diin mababaruan nga una na ine nga nag-probar nga magpakamatay han una pero napugngan la.
Hapagkayana, padayon pa an imbestigasyon han kapulisan bahin ha mao nga panhitabo.
