TACLOBAN CITY – Ginklaro han Land Transportation Franchising and Regulatory Board Region 8 nga waray pa ginpapatuman nga umento ha pasahe ha pampubliko nga transportasyon ha rehiyon ha kaluyo han nagtitikahitaas nga presyo han produkto han petrolyo kasumpay ha nagtitikaduro nga kasamok ha Middle East.
Sumala kan Land Transportation Franchising and Regulatory Board VIII Development Office II, Veronica Reposar, nga waray pa ginpagawas nga abiso an ira central office nga nag-tutugot nga magpasaka hin pamasahe.
Mahitungod hini, ginsagdunan an mga drayber ngan operator nga magpabilin ha ira presente nga fare matrix.
Ginpahayag han ahensya nga nagpagawas hira hin pahimatngun ha ira official Facebook page agud igpasabot ha publiko nga an presente nga fare matrix an kinahanglan sundon.
Samtang, padayon gihapon an ira mga pagdungog ngan konsultasyon kasumpay ha mga petisyon para ha dugang pasahe nga ginpasaka han pira nga transport groups.
An mga petisyon in maypaghisumpay ha paghitaas han presyo han gasolina. Sugadman, gintagan duon han LTFRB nga waray pa pinal nga desisyon tikang ha ira central office.
(via Bombo Shiela Encio)
