TACLOBAN CITY– Maabot ha tag- P10K an nakarawat han mga parag-uma ngan parupangisda ha syudad han Tacloban han nakalabay nga Agusto 20, 2024.
Sumala kan Romelo Anade, Head City Agriculture Office, an nasabi nga kantidad in gintatawag nga financial assistance tikang han Office of the President.
Gindumara an nasabi nga pandestribwer ha New Kawayan Gymnasium ha Norte Tacloban, kun diin maabot ha 272 nga mga parag-uma ngan 112 naman nga parupangisda an naka-karawat han nasabi nga ayuda.
Ginmalatumat ni Anade, nga an mga ine an naapektaran han naglabay nga El Niño yana nga tuig.
Naghatag naman hin suhestyon ha mga nagin benepisyaryo han President’s Assistance to Farmers, Fisherfolk, and Families (PAFFF) program, nga gamiton han mga ine an nasabi nga hinabang ha pagpaupay han ira pakabuhi.
