Mas kumusog pa an pwersa han Partido Federal ng Pilipinas (PFP) ha House of Representatives.
Sumala kan PFP president and South Cotabato Gov. Reynaldo Tamayo, mayda na hira kabug-usan nga 54 nga membro tikang ha Kamara, tikang ha anay 38 la.
Dugang pa hini, kadam-an ha mga umapi nga mga magbabalaod in tikang ha LAKAS-CMD party nga pinangungunahan ni anay speaker Martin Romualdez.
An PFP in an partido kun diin an chairman in hi Presidente Ferdinand Marcos Jr.
An mga bag-o nga membro in ginkakalakipan nira Reps. Antonio Albano han Isabela; Agatha Cruz, Salvador Pleyto ngan Mark Violago han Bulacan; Mikaela Suansing han Nueva Ecija; Zaldy Villa ng Siquijor; Patrick Michael Vargas han Quezon City; Lordan Suan han Cagayan de Oro; Miro Quimbo han Marikina; Francisco Matugas han Surigao del Norte ngan Joseph Tan han Isabela.
Kalakip gihapon nga membro han partido in hira Ilocos Norte Rep. Sandro Marcos ngan Speaker Faustino Dy III.
