TACLOBAN CITY– Waray na kinabuhi han maabtan hiton mga kapulisan an usa nga parag-uma, mahuman ine nga makuryente ha Brgy. Tinabila, Palompon, Leyte.
Sumala kan Palompon Municipal Police Station, Deputy, Chief of Police, PLT. Achilles Orlando Amagro, subay ha ira inisyal nga imbestigasyon, nagpapasuhol ine ha usa nga umhanan, ngan samtang naglilipyo ine hin banwa, aksidente hine nga nasagi an service drop wire nga nalaylay ha tuna.
Dugang pa ni Amagro, ginpamiling ine han iya asawa, sanglit nga ginlanat hine ha bukid, kun diin nahikit-an nga naka-kulob na ine ha tuna, dayon naman hiya nga ginbuligan han iya asawa pero in nakuryente gihapon ine.
Mababaruan, nga nakag-angkon hin sunog ha nawon ngan kagiliran an biktima nga rason han iya kamatayon.
Ha pagkyana, ada na ha talwas nga kabutang an asawa hine ngan nagpapa-upay.
Padayon naman an pahinumdum han mga otoridad ha nasabi nga barangay, nga magin responsable ha ira linya han kuryente, agud diri makadaot ha iba, ngan magin rason han pagkawara han kinabuhi han usa nga indibidwal.
