TACLOBAN CITY- Patay an usa nga parag-uma mahuman nga paninigbason ha Samar.
Sumala kan SPO1 Francisco Corales, hepe han Basey PNP nga guinkilala an biktima kan Mario Gadores, 55 anyos an pangidaron, parag-uma ngan residente han Barangay Dolongan, Basey, Samar.
Samtang, guinkilala naman an suspek kan Leo Navigante, 40 anyos an pangidaron, kasal, parag-uma ngan residente han Barangay Roxas, Basey, Samar.
Dugang pa ni SPO1 Corales nga pareho hubog an biktima ngan an suspek kun diin nagkamay-ada ini hin mahugot nga argumento.
Nakaangkon an biktima hin mga tinigbasan ha magkadirudilain nga parte han lawas kun diin naabre pa an tiyan hini.
Narecover han mga kapulisan an sundang nga guin gamit han suspek ha pagbuhat han krimen.
Samtang, dayon naman nga sumurender ha mga kapulisan an mao nga suspek mahuman an insidente.
