TACLOBAN CITY– Nakatalaan nga maka-karawat yana nga adlaw adton mga parag-uma nga waray katagi han gahi ngan fertilizer nga nagin apektado han pagbabaha ha San Miguel Leyte.
Sumala kan Atty. Mayor Norman Sabdao, San Miguel Leyte, nga mayda pa 184 nga mga parag-uma an nasasalin nga kinahanglan tagan han nasabi nga gahi ngan abuno.
Dugang pa hine, pinaagi naman han ira pakikigsumpayan ha Department of Agriculture Eastern Visayas, makukuha nira yana an nasabi nga hinabang.
Ha pagkayana, makarawat naman hira hin 884 kasako hiton abuno ngan 884 ka-bag naman hiton gahi para hiton 230 nga mga apektado nga parag-uma.
Mababaruan, nga pira ha mga parag-uma in nagkikinahanglan hin 5-7 kasako hiton gahi depende naman ha ira nagin danyos han nakalabay nga pagbabaha.
