Ginsalawad ni Senador Francis “Chiz” Escudero an panukala nga batas ng nagdidire ha promosyon han huygo ha mainstream ngan digital media agud mapugngan an waray katapusan nga paghuygo ngan maproteheran an mga menor de edad.
Ginpahayag han senador kakulop Biyernes, Hulyo 31, nga magpapasaka hin Senate Bill No. 2347 o panukala nga Gambling Advertising Prohibition Act hin nationwide restriction ha mga patalastas nga may koneksyon ha huygo ha telebisyon, radyo, o bisan ha print, website, mobile applications ngan social media.
Gin-isplikar ni Escudero nga panahon na agud ma-regulate an industriya han paghuhuygo parehas han ginhimo ha tabako duha ka dekada na an nakalabay, kun diin ginpasakahan ini hin restriksiyon ha pag-iindorso hini ha ilarum han Tobacco Regulation act of 2003.
Ha ilarum han panukala nga batas, igdidire an mga celebrity ngan influencer campaigns, gambling sponsorships ha sports, concerts, ngan cultural events, product placements, promotional giveaways ngan branded merchandise nga
