Nagsalawad hi Parañaque 2nd District Rep. Brian Yamsuan hin House Bill 9476 nga panuyo magtukod hin Barangay Legal Aid Desks (BLADs) ngan Mobile Legal Clinics (MLCs) agud maiharani an libre nga serbisyo-legal ha mga Pilipino, labi na ha mga ada ha tay-aw ngan underserved nga kumunidad.
Ha ilarom han panukala, pangungunahan han Department of Justice (DOJ) ngan Public Attorney’s Office (PAO) an pagpapadalagan han mga mobile legal clinic nga maghahatag hin libre nga legal nga konsultasyon, bulig ha pag-aandam han mga affidavit, kontrata ngan iba pa nga legal nga dokumento, sugadman han mediation ngan conciliation services.
An kada barangay naman in magkakamay-ada hin legal aid desk nga pagmamanguluhan han mga gin had-id nga paralegal, volunteer lawyers, ngan law student interns.
Sumala kan Yamsuan, damo nga Pilipino an dire nakakakuha hin sakto nga serbisyo-legal mahitungod ha kahirayo han mga kortes ngan abogado ngan ha gastos nga kalakip hini.
Dugang pa, panukala han panukala nga mapaharani an hustisya ha mga kumunidad, mabuligan an mga resdiente nga maintindihan ngan madepensahan an ira mga katungog, ngan maiduso an maupay nga pagresolba han mga away pinaagi han mediation.
Nagsusulod gihapon an panukala hin mga insentibo para ha mga volunteer lawyer ngan law student, kaupod an MCLE credits, tax deductions para ha pro bono legal services ngan internship credits.
Magtutukod gihapon hin Barangay Legal Assistance Council (BLAC) agud magmangulo ha pagpapatuman ngan pagbantay han programa.
