Nagsalawad an House Young Guns hin House Bill No. 10587 o West Philippine Sea Education Act agud mahilakip ha kurikulum han mga iskuylahan an sakto nga edukasyon kasumpay ha West Philippine Sea.
Panuyo han panukala nga tutduan an mga iskuylahan kasumpay ha katungod han Pilipinas ha West Philippine Sea subay ha Konstitusyon, Philippine Maritime Zones Act, UNCLOS, ngan ha 2016 arbitral ruling.
Subay ha otor, importante nga matagan an kabataan hin sakto ngan subay ha ebidensya nga impormasyon agud dire mauwat han sayop nga impormasyon ngan propaganda.
Gin mamanduhan gihapon han balaudnon an Department of Education ngan Commission on Higher Education nga bumug-os hin standard nga learning materials kasugbong an magkadiru-dilain nga ahensya han gobyerno.
Nakasurat gihapon nga an pagtutdo in kinahanglan dire partisan, subay ha ebidensya, ngan nasusubay ha mga opisyal nga polisiya ngan international nga balaod.
