-- Advertisements --
TACLOBAN CITY — Nagpapadayon an pantaod hin mga solar lights ha Northern Baranggays han Tacloban nga proyekto han City Government agud matagan hin kalamragan an pira nga mga kakalsadahan han mao nga lugar.
Sumala kan Engr. Leo Parado, Head han CGSO Tacloban, dida han naglabay nga semana in nakapantaod na hira hin maabot 36 ka-units hin mga solar lights ha entrada han Brgy. 107 Sta. Elena.
An nasabi nga mga solar lights in na-energized na gihapon nga dako naman an maibubulig labi na ha kagab-ihon nga deri na magiging delikado ha pag-agi han mga residente han mao nga lugar.
Maabot naman ha P50 milyon an gin-alotaga nga budget han city government para han nasabi nga proyekto nga nagpapadayon nagpapadayon ha pagkayana.
