TACLOBAN CITY – Naghatag hin talaan an Commission on Elections COMELEC-8, nga kutob nala ngada yana nga katapusan hiton bulan, o Enero 31, an pan rehistro para han tiarabot nga Barangay ngan SK Election.
Sumala kan Atty. Maria Gorreti Cañas, Election Officer han Tacloban City, waray pa may ginhahatag ha ira nga mandu para pahilawigon an panrehistro para han Barangay and SK Election yana nga tuig sanglit kutob la yana nga katapusan iton pagparehistro para han tiarabot han eleksyon.
Samtang, gintikangan naman han COMELEC an ira satellite registration dida han nakalabay nga Lunes kun diin syahan ine nga gindumara ha San Jose National High Schol, ngan ginsundan naman kakulop nga adlaw, Enero 10, ha Leyte National High School.
Hapagkayana ine nagpapadayun naman an gindudumara nga satellite registration hiton ira buhatan ha magkaduru-dilain nga lugar.
Gin aghat naman an publiko nga magparehistro na samtang harayo pa iton deadline para maka-partisipar han tiarabot nga Barangay and SK Election.
