-- Advertisements --
TACLOBAN CITY – Maabot na ha 250,000 kasako hin bugas an umulpot ha rehiyon kumo panibag-o nga suplay hin NFA rice han rehiyon para ha syahan nga unom kabulan han presente nga tuig.
Sumala kan NFA 8 Regional Manager John Robert Hermano, nga una nga umulpot an 144,000 kasako hin bugas tikang ha Vietnam ngan 106,000 bags naman tikang ha Thailand.
Dugang pa hini nga igdidistribwer an eksakto nga alokasyon han mao nga suplay hin bugas ha kada probinsya ha Sinirangan Bisayas.
An kaparte han pamahayag ni NFA 8 Regional Manager John Robert Hermano
Nahibaruan nga labot la ha mao nga suplay in mayda pa maulpot nga bugas ha rehiyon para makompleto an sobra 600,000 kasako hin NFA rice nga kabug-usan nga alokasyon para ha rehiyon yana nga tuig.
