TACLOBAN CITY- Utro na liwat nga nasipatan ha Southern Leyte an panibag-o nga patay nga oarfish dida la han nakalabay nga adlaw.
Nakit-an han mga parapangisda an mao nga oarfish partikular han kabaybayunan han Barangay San Joaquin,
Macrohon.
Nahisabutan nga ika-3 na kahigayon nga guindagsa an kabaybayunan han Southern Leyte han mao nga isda. Una hini ha Bontoc, guinsundan ha Libagon ngan an pinakaurhi naman ha Macrohon.
Mababaruan nga guintutuuhan han pira nga katawhan nga an pagpakita han oarfish in usa nga indikasyon ha pagkamay-ada hin linog o bisan ano nga kalamidad.
Samtang, sumala han marine biologists nga tikang ha Siliman University, nga napakadto la ha kabaybayunan an oarfish kun nadidisturbo an pag-ukoy hini ha pinakahilarom nga parte han kadagatan.
