-- Advertisements --
TACLOBAN CITY- Nakatalaan na nga patikangan an panibag-o nga minimum wage order ha Sinirangan Bisayas ha tiarabot nga Hunyo 25.
Ini an guinklaro ni Regional Director Cyril Ticao han Department of Labor and Employmment (DOLE) Regional Office 8 pinaagi ha pakipaghimangraw han Bombo Radyo Tacloban.
Guinbuyagyag ni Director Ticao nga mismo ha pagtungtong han ika-25 han Hunyo , P305.00 na an kinada adlaw nga miminum nga panwelduhan ha bug-os nga rehiyon.
Guinduon pa hini nga kinahanglan nga sundon han mga employer kun ano an guinpapatuman nga wage order kumo mandato han DOLE 8.
Samtang, nanawagan naman ini ha publiko nga igreport la ha ira buhatan kun may mga employer nga diri nasunod han mandato agud dagmit dayon ini nga maaksyunan.
