TACLOBAN CITY- Ginpahibaro han buhatan nga Prime Water Leyte Metro PWLM, nga na-arangkada na liwat an mga kawatan pinaagi han pagpipinan-ngawat hin kontador ha mga consumedor han PWLM.
Sumala kan John Paul Go, Infromation Officer han Prime Water Leyte Metro, nga una na hira nga nakaka-karawat hin sugad hine nga report nga bisan an yana la nga naglabay nga semana in mayda la gihapon nahihipatik han mao nga pangawat.
Dugang pa han mao nga opisyal nga dire la dinhe ha syudad nahihitabo an pangawat han kontador kalakip na an area hiton Palo Leyte.
Gintutuohan han mao nga buhatan nga usa nga organisasyon an nagpapaluyo han mao nga panhitabo.
Nanawagan naman ine ha publiko nga magin vigilante,ngan bantayan an ira mga kontador, ilabi ha mga suspetsado nga indibidwal nga naglilinibot-libot ha ira mga area nga gin-uukyan.
Para naman han mga nakawatan nga konsumedor han ira buhatan, in dayon nga makipagsumapayan ha barangay ngan sugadman ha pinaka harani nga stasyon hiton kapulisan.
