Ginduon han Malacanang nga dire nawawara an hingyap ni Presidente Ferdinand Marcos Jr. nga makigsangkay ha tanan, kaupod an pamilya Duterte, pero dire hini igpapaligid an mga isyu nga nakapalibnot ha impeachment case kontra kan Vice President Sara Duterte.
Sumala kan Palace Press Officer Undersec. Claire Castro, waray kalabutan an panawagan han Presidente para ha pagkakaurusa ha mga alegasyon nga ginkakaatubang han Bise Presidente.
Gintagan-duon ni Castro nga dire la grave threats an isyu ha impeachment, kundi pati an pamatasan ngan pagigin usa nga disente nga opisyal nga nakapot hin hataas nga posisyon ha gobyerno.
Samtang dugang pa hini, panuyuan mangud han impeachment trial nga mahibaruan kun an usa nga lider in nagpapabilin nga “deserving” ha iya posisyon ngan patapud nga ginhatag han publiko.
