DAGAMI, LEYTE – Arestado an suspek ha nahipatik nga pamusil ha Brgy. Macaalang, Dagami, Leyte dida han nakalabay nga adlaw.
Ginkilala an mga biktima kanda alyas Daday, 34-anyos an pangidaron ngan alyas Kaloy, 38-anyos, ngan parehas residente han nasabi nga barangay, samtang an suspek naman in ginkilala kan alyas Lito, 52-anyos an pangidaron.
Sumala kan Dagami Municipal Police Station Officer-in-Charge, PCapt. John Paul Silva, dire pagkakaintidihay ngan kaawa an rason han pamusil.
Subay han imbestigasyon, umatender hin bunyag an mga dabi han insidente, kun diin dida han nagpaka-inom na ine in nagkamay-ada hin argumento nga nagresulta hin pamusil.
Nahibaruan gihapon nga mayda na dati nga dire pagkaka-intidihay hi alyas Daday ngan han suspek mahitungod nga ginliwanan han suspek hi alyas Daday ha pagigin sa-op ha koprahan.
Durante han argumento, nagpabuto an suspek kun diin nadamay kaigo an usa pa nga biktima nga hi alyas Kaloy.
Nag-angkon an hi alyas Daday hin igo ha may li-og ngan hi alyas Kaloy naman ha may braso.
Gindara naman dayun an mga ine ha hospital para han kangaayan nga pagtambal ngan ha pagkayana in ada ha maupay nga kabutang ngan nakapanguli na haira panimalay.
Samtang, dayun naman nga naaresto an suspek mahuman nga magdumara hin hot pursuit operation an mga kapulisan.
Ginpasakahan gihapon an suspek hin kaso nga frustrated murder.
