ALBUERA, LEYTE – Usa nga insidente hin pamusil an nahipatik dayun, usa kaadlaw mahuman an piniliay, ha Sitio Malitbog, Brgy. Poblacion, Albuera, Leyte, kun diin patay an biktima.
Ginkilala an biktima kan alyas Jul.
Sumala kan Albuera Municipal Police Station Officer in Charge, PMaj. Angelo Sibunga, aktibo ha pag-baligya hin ilegal nga droga an biktima, kun diin amu gihapon an nakikita nga rason han pamusil.
Subay ha imbestigasyon, nakiki-ukoy la an biktima ha balay ni alyas Roel, kun diin haros usa pala kasemana pala ine nga naukoy didto.
Kahuhuman la kumaon han biktima kaupod an mga upod hine ha balay han tigda la nga sumulod an tulo katawo nga ginpamusil an biktima.
Nagawas gihapon ha imbestigasyon nga mayda utang an biktima ha ginkukuhaan hine hin droga.
Dire naman daw konektado ha pulitika an insidente.
