TACLOBAN CITY – Mahugot nga gintipahan han home owners association han Dream Ville ha Bagacay, Tacloban an pamaligya han housing unit han pira nga mga residente han mao nga pabahay.
Una hini in nagpagawas hin pahimatngun an Catholic Relief Services (CRS) ha publiko kasumpay ha nagkalat nga pamaligya hin mga housing unit han pira na mga beneficiaries ha Dream Ville.
Sumala kan Tessa Dela Cruz, Chairwoman Board of Trusties Home Owners Asso. han CRS, nga klaro nga napagkasarabutan ngan nakabutang ha deed of restrictions nga mahugot nga iginbabawal an pagbaligya o pagparenta han housing unit ha sakob hin 10 ka tuig.
Dugang pa hini nga base ha ira monitoring ada ha 3 nga mga units na an naibaligya han pira nira nga igkasi – benepisyaryo pero ini in diri pa gin u-ukyan han mga nagpakapalit.
Mababaruan nga an Dream Ville in usa nga permanent housing project han Catholic Relief Services para ha mga pamilya nga nag uukoy ha Paseo de Legaspi ngan Anibong/Rawis Districts.
