PALO, LEYTE – Magkaduro-dilain nga mga lokal nga produkto an ginparayaw ha Palo Harvest and Food Festival ha Palo Public Market, kakulop nga adlaw, kumo kaparte han selebrasyon han kapatronan ha Palo.
Panuyuan han aktibidad nga ig-edukar an mga residente ha importansiya han sakto nga nutrisyon ngan pag-preserba han lokal nga tradisyon han pagluluto.
Makikit-an ha aktibidad an mga pagkaon tikang ha mga ordinaryo nga panakot sugad han saging, bayabas, ngan iba pa nga mga local harvest.
Nagkamay-ada gihapon hin Pet Show, kun diin magkaduro-dilain nga mga breed hin mga ayam an partisipante.
Usa naman ha panuyuan han festival in aghaton an mga karinderya nga ig-upod ha ira menu an mga lokal nga pagkaon.
Gin-aaghat gihapon ni Palo, Leyte Mayor Remedios “Matin” Petilla an publiko nga magkita han mga aktibidad nga pagbubuhaton kada gabi kutob hiton kapatronan. (via Bombo Shiela Encio)
