TACLOBAN CITY- Naka standby na an Palo Auxilary Traffic Unit, ha mga kakarsadahan hiton Palo Leyte, partikular na ha mga sementeryo ha nasabi nga lugar.
Sumala kan Romeo Abaño Officer in Charge Palo Auxiliary Traffic Unit, labot la han ira mga traffic enforcer, mayda na gihapon mga kapulisan nga naka-standby ha mga sementeryo, para umasister ha mga mabista nga mga indibidwal.
Dugang pa hine, buwas nga adlaw hihimuon nga parking areas, para ha 4wheels vehicle an
atubangan hiton Palo Sacred Heart Seminary, partikular an outer lane han karsada ha mao nga areas.
Pananglitan naman nga dumamo an mga sarakyan, andam naman an Palo Sacred Heart Seminary nga magpa-parking ha sulod han ira compound, pero mabayad an mga tag-ada hiton sarakyan hiton parking fee.
Para naman han mga ma-parking nga motorcycle, pwede han mga ine igparada an ira sakarkyan ha may Schistosomiasis Hospital nga dapit, agud nga dire magin mabug-at iton dalagan han trapiko ha nasabi nga lugar.
