NATIONAL–Ginsigurado han panguluhan han Department of Human Settlements and Urban Development nga padayon an ira pagbulig ha ngatanan nga mga Homeowners Association ha bug-os nga nasud.
Ini in baton ha direktiba ni Pangulong Ferdinand Marcos Jr. nga siguraduhon nga igharani an kada Pilipino ha serbisyo han gobyerno nga angayan para ha ira.
Ine an nagin pahayag ni Supervising Senior Undersecretary Sharon Faith Paquiz ha ginbuhat nga syahan nga townhall meeting.
Nakaupod han DHSUD ha nsasbi nga paghihimangraw an Fairway View Homeowners Association kun diin nahitabo ini ha Dasmarinas Cavite.
Umatender gihapon ha nasabi nga katitirok an sobra 180 nga residente.
Ginhisgotan ha meeting an pira nga mga pitad para ha utro nga pagpaparehistro han Homeowners Association ha ahensya.
Syahan nga ginmalatumat ni DHSUD Secretary Jose Ramon Aliling nga magpapadayon an paghabubo ha ira opisina ha mga komunidad agud nga pakusgon an ira pakikig-koordinar ha mga stakeholders.
