NATIONAL NEWS– Dismayado an Malakanyang ha nagin pahayag ni anay Executive Secretary Salvador Medialdea nga nawara daw an anay presidente samtang nakadto ha poder han International Criminal Court.
Sumala kan Palace Press Officer USec. Claire Castro, napaka-iresponsable han pahayag ni Medialdea mahitungod nga mismo an ICC an nagpahayag nga ginpailarom la ha medical examination an anay presidente ngan waray ine kawara.
Dugang pa ni Castro, waray lalauman nga maupay an komento ha kampo han mga Duterte pero nagdig-on naman an nasabi nga opisyal nga ginamit han gobyerno an RA 9851 o Philippine Act on Crimes Against International Humanitarian Law, Genocide, and Other Crimes Against Humanity ha pag-surrender kan anay Presidente Duterte.
Damo pa daw an nagin pahayag ni Medialdea nga waray kamatuuran sugad han daw pagkidnap han anay Presidente ngan an pagkuha han simpatya ha publiko.
Ine nga stratihiya ni Medialdia in agud nga maluoy an publiko an kampo han anay presidente mahitungod nga karuyag hine gubaon an gobyerno ha publiko ngan ha bug-os nga kalibutan.
