TACLOBAN CITY – Ginhinumdom ni House Speaker ngan Leyte 1st District Representative Martin Romualdez an mga ginpag agian ngan gintikangan han Tingog Partylist nga usa nga local party han una, ngan yana in usa na ha mga kilala nga partylist ha bug-os nga nasud.
Dinhi sumentro an nagin mensahe ni Romualdez durante han gindumara nga tulo kaadlaw nga National Tingog Summit 2025 ha Palo, Leyte han nakalabay nga adlaw.
Sumala kan Romualdez nga usa la nga hingyap an partylist han una nga panahon nga an panuyo in makapaghatag hin boses ha mga nanginginahanglan.
“Tingog is no longer an idea, it is a movement that has change lives. It has definetly changed mine. From Leyte to every corners of the region and across the country. We have build something that indeed truly matters.” Yakan ni Romualdez.
Tikang manggud han usa nga center ha syudad han Tacloban, in mayda na 210 tingog centers ha bug-os nga Pilipinas nga naghahatag hin mga magkadurudilain nga mga serbisyo han gobyerno sugad han medikal, burial, financial assistance ngan damo pa nga iba.
Dugang pa hini nga diri daw pulitika an panuyo ngan nagpapaluyo hini nga partylist, kundi ha mga katawhan, mga volunteers.
Natuo pa ini nga ha kaluyo han mga naabot han Tingog in harayo pa daw ini, pero harayo na han ira panuyo nga makapag serbisyo.
