TACLOBAN CITY – Andam ngan may schedule na an mga simbahan ha pagtitikang hiton Simbang Gabi ngan Misa De Gallio para hiton pangandaman ha tikaarabot nga kapaskuhan.
Sumala kan Fr. Chris Arthur Militante, Social Media Coordinator Archdiosese of Palo, an novena masses preparasyon hiton pasko, sugad han novena para ha mahal nga birhen Nostra Senora De Belen in nagtikang kakulop nga adlaw Disyembre 15. An Simbang gabi naman in magtitikang niyan nga gabi ngan mahuhuman ha petsa 23, an Misa de Gallio naman in natikang hiton kanina ha kaagahon ngan mahuhuman naman ha kaagahon han petsa 24.
An pag a-attend han novena masses nga pangandaman ha Christmas, in pag sarin-urog ha mahal nga Birhen ngan pagseribrar ha kapanganakan han Ginoo.
Dugang pa ni Militante nga an importansiya hine nga mga misa in dire paghingyap hiton mga materyal nga aruon, kundi paghingyap hiton pagtalwas ha aton han ginoo pamaagi spiritual.
Ngan ine nga novena masses in pagtoo gihapon, pagsarig han iya kamahatagon, ngan pag-ampo gihapon ine para ha iya. Ngan gamiton an mga grasya nga ginhatag niya ha maupay nga paagi.
