TACLOBAN CITY – Gintikangan na an pagpatuman han pagtanggal han mga administrative work ha mga teaching personnel hiton Department of Education.
Sumala kan Dr. Nilo Eder, Information Officer hiton Department of Education han Tacloban City Division, usa ine ha mga magigin ayat haira mahitungod nga an ngatanan nga mga administrative task in mahingangadto na ha mga School Heads ngan non-teaching personnel kun diin limitado la daw an ihap han mga ine.
An usa daw nga School Head han iskuylahan in mayda la usa nga non-teaching personnel nga nabulig ha iya ngan kaurugan in tikang ha MOOE an sweldo o di man ngani in usa nga Job Order.
Mahitungod daw han kadamo han mga administrative task in matatambakan gihapon hin trabahuon an mga School Heads sanglit ayat daw ine para ha ira.
Magkakamay-ada naman daw hin mga teacher volunteers nga magigin school support personnel nga igbubutang ha mga iskuylahan agud matagan hin assistance an iskuylahan ha mga trabahuon hine.
Ginpasabot gihapon hine mga magkakamay-ada hin allowance nga kukuhaon naman pinaagi han SEF han Local Government Unit, an kada teacher volunteer nga maha-hire hiton DepEd.
