TACLOBAN CITY – Nakatalaan na nga magsalawad hin mga Certificate of Candidacy (COC) adtun mga tigsiring ha mga magkadurudilain nga mga posisyon nga pagbobotosan han mga Pilipino ha 2025 Midterm Election.
Ha iginpagawas nga impormasyon han Commission on Elections (COMELEC) in nakatalaan nga magtikang ha Oktubre uno ngada ha ika-otso an pagsasalawad han mga sertipiko dikandidatura para ha mga madalagan ha posisyon nga Senador, miyembro han House of Representatives, Probinsyal, ngan Syudad o bungto.
Aada ha dose (12) para ha Senador, 800 para han miyembro han Sangguniang Panlalagawigan, 254 para ha Kongresista han mga Distrito, 11,948 para ha mga miyembro han Sangguniang Bayan, 63 nga tinaglawas han Party-list, 149 para han City Mayor ngan City Vice Mayor, 82 para ha Gobernador ngan Bise Gobernador, 1,493 para ha Municipal Mayor ngan Municipal Vice Mayor, ngan 1, 682 para han Miyembro han Sangguniang Panlungsod an ihap han mga igbobotos.
An Piniliay 2025 in nakatalaan pagbuhaton ha Mayo 12, 2025.
