TACLOBAN CITY – Kinahanglanon na nga igpatuman an umento o dugang nga pasahe ha mga pampubliko nga transportasyon.
Ini in sumala kan Former Tacloban City Councilor Leo Bahin.
Pag-eksplikar pa hini, bisan man kun damo an maaraba nga mga manarakay sugad han mga istudyante ngan empleyado in kinahanglan gihapon intindihon an mga drivers ngan operators mahitungod nga dako gihapon an igin umento ha presyo han mga produkto nga lana.
Dugang pa hini, dako an gamit han transportasyon ha publiko sanglit kinahanglan gihapon tagan hin pabor an mga drivers.
Sumala pa, dire gihapon solusyon an subsidiya nga ginhahatag han gobyerno mahitungod nga pirahay manla an kantidad hini.
Ginmalatumat gihapon ni Bahin, nga kinahanglan matagan hin ‘increase’ an pasahe ha mga pampubliko nga transportasyon bisan dire gud sugad kadako, basta matagan hin bulig an mga taga-transportasyon nga sektor.
