NATIONAL NEWS-Ginpahaligot han Light Rail Transit Line 2 (LRT-2) an oras han ira operasyon ha Hulyo 25, agud matagan dalan pag-ayad ngan pagliwan han rigid nga frognose ha main track ha butnga han V. Mapa ngan J. Ruiz Station.
An una nga biyahe in magtitikang ha Antipolo ngan Recto Station alas 5 han aga.
An urhi nga biyahe tikang ha Antipolo kay alas 7:30 han gab-i, samtang alas 8 naman hit gabi tikang ha Recto.
Maghahatag hin mga shuttle van an tagdumara han LRT para han mga apektado nga mga pasahero ngan makikipagkoordinar hira ha Metropolitan Manila Development Authority (MMDA), Philippine Ports Authority (PPA), Philippine Coast Guard (PCG), ngan Philippine National Railways (PNR) para hin kadugangan nga transportasyon.
An rigid frognose kay usa nga bahin han riles nga nagsisiguro hin hapsay nga pagkiwa han tren tikang ha usa nga linya ngadto ha lain.
