Nahingadto ha mapaso nga pagdebate an plano nga temporaryo nga kamingaw ha US House of Representatives dida han Myerkules kumo pag-hinumdom ha pagkamatay ni Charlie Kirk, usa nga kilala nga conservative activist ngan taga-suporta ni U.S. President Donald Trump.
Manunumduman nga hi Kirk in ginpatay ha usa nga speaking engagement ha Orem, Utah. Dire pa naman sigurado an motibo ha pamusil ngan waray pa opisyal nga report kun may naaresto na nga suspek.
Samtang gin aandam an pagpupugay, naghangyo hi Rep. Lauren Boebert hin pag-ampo ngan ginpahayag nga “Silent prayers get silent results.”
Nanguna naman an pagbaribad tikang ha pira nga Democrats nga gink-kwestyon kun kay ano dire parehas an pagkilala ha iba pa nga biktima han pagpatay ha ira nasud.
Nahingadto pa ine ha gugliatay ngan mayda pa gumuliat hin “Pass a gun law!” Samtang nagpu-pukpok hin martilyo hi Speaker Mike Johnson agud kalmahon an kasamok.
