NATIONAL – Gin-aaghat ni Pres. Ferdinand Marcos Jr an paggamit han smart farming o moderno nga teknolohiya ha pag-uma para masiguro an seguridad ha pagkaon ha nasud.
Mahinunumduman nga an modernisasyon han agrikultura in usa han mga panguna nga panuyo han administrasyon ni Pres. Marcos.
Sumala han presidente, an mga kabag-ohan ha agrikultura in angay la pag-adman ngan suportahan han gobyerno tungod kay diri la ini mahitungod han pagpahitaas han ani kundi pati an pagpauro-upay han nutrisyon ngan panlawas han publiko.
Ini an pahayag ni Pangulo Marcos kahuman han iya pagbisita han 3.5 ka ektarya nga greenhouse nga pasilidad han Metro Pacific Fresh Farms ha San Rafael, Bulacan, ha diri pa la maiha.
An pasilidad in nagpakita hin abante nga mga sistema hin pag-uma nga nagtutugot hin bug-os nga tuig nga produksyon hin mga utanon ngan prutas nga lima ka pilo nga mas hataas kaysa han tradisyonal nga mga uma.
