LVIV, UKRAINE – Usa nga babayer nga pulis an namatay ngan damo nga iba pa an nasamaran han naigo an syudad han Lviv ha western Ukraine, ha usa nga insidente nga gintutudlok han mga otoridad kumo “terrorist attack.”
Sumala ha notisya, namatay an 23-anyos nga pulis nga hi Viktoria Shpylka, samtang naruba an usa nga patrol car ngan usa nga sibilyan nga sarakyan. 22 ka-tawo gihapon an samaran.
Nagkamayda hin pagbuto samtang naresponde an mga pulis ha report han break-in ha usa nga tindahan harani ha sentro han syudad.
Ginmalatumat han Ukrainian National Police nga gingamit an homemade explosives nga ginbutang ha mga basurahan.
Naganap an siyahan nga pagbuto mahuman umulpot an mga pulis ngan ginsundan ini han usa pa nga pagbuto han umulpot an duha ka-grupo an mga opisyal.
Sumala kan Ukrainian Pres. Volodymyr Zelensky, nga kapot na nira an pira nga indibidwal, kaupod an usa nga 33-anyos nga babaye tikang ha Staryi Sambir harani ha border han Poland, nga gintutuohan nga nagbuhat hin atake ha mando han usa nga handler tikang ha Russia.
