Gin aadman han gobyerno an pagbubutang hin limitasyon ha “unprogrammed appropriations” o mga pondo nga waray ha regular nga budget.
Baton ini han Malakanyang mahuman nga mapakianhan kun ginsusuportahan han Presidente an panukala han Department of Budget and Management (DBM) nga butangan hin cap an pondo.
Sumala kan Palace Press Officer Claire Castro, ginbubug-os pa han DBM an panukala nga Philippine Budgeting Case nga magtutudlok han mas klaro ngan mas mahugot nga patakaran ha paggamit han unprogrammed appropriations.
Panuyo han reporma nga masigurado nga an mga pondo in gagamiton la ha sigurado ngan limitad nga panuyo, ngan dire magigin haluag nga discretionary fund.
Target han DBM nga mapabilin ha mas hamubo ha singko-poryento han kaug-usan nga nasyunal nga budget an kantidad han unprogrammed appropriations, basar ha datos ngan kiwa han pananalapi.
