-- Advertisements --
Gintagan-duon ni House Lead Prosec. ngan Batangas Rep. Gerville Luistro nga duro yana nga ginpaparig-on an mekanismo han responsibilidad nga gintalaan han Batakan Balaud.
Ginmalatumat ini ni Luistro kasunod han pagbasura han Supreme Court ha petisyon nira VP Sara Duterte kontra ha impeachment proceedings nga gindumara han House Committee on Justice.
Duon ni Luistro, an desisyon han Supreme Court in nagpapakusog ha pundamental nga prinsipyo nga waray bisan hin-o an nakakahitaas ha balaud ngan hustisya.
Kasunod hini in ginduon ni Luistro nga kinahanglan respetuhon an Konstitusyon, igtindog an rule of law ngan pabay-an nga buhaton han impeachment court an ira mandato nga may kagawasan, patas ngan waray ginsasarigan nga bisan hin-o.
