Nanawagan hi House Senior Deputy Minority Leader ngan Mamamayang Liberal (ML) Partylist Rep. Leila de Lima kan Presidente Ferdinand “Bongbong” Marcos Jr. nga igbalik an pagigin membro han Pilipinas ha Rome Statute han International Criminal Court (ICC).
Nakasurat ini ha iginsalawad ni De Lima nga House Resolution No. 1056 kun diin ginhahangyo hini ha Department of Foreign Affairs (DFA) nga asikasuhon na an mga pitad agud utro nga makabulig an aton nasud kumo membro han ICC, subay ha Konstitusyon ngan mga kaangayan nga balaod.
Nakasulod gihapon ha resolusyon ni De Lima an pag-aghat han mga igkasi magbabalaod nga suportahan ini agud mapakusog an pag-ato han Pilipinas ha impunity and atrocity crimes, ngan pagduduso ha dignidad han katawhan ngan pagpapatuman han balaod.
Dugang pa ni De Lima, mapapadig-on gihapon hini an pagduduso han nasud hin hustisya ngan pagbaton sugadman an paghahatag hin proteksyon ha katungog-pantawo.
