TACLOBAN CITY – Ginduduso han pira nga mga motorista nga aprubahan nga abrehan adton pira nga mga Private Emission Testing Center (PETC) ha rehiyon agud mapadagmit an registration han smoke test ha Land Transportation Office LTO.
Sumala kan Atty. Niel Sia, President ha Sirak Waraynon Eagles Club, nga importante an smoke emission result tikang ha PETC, matungod nga ine an ginbibiling kun naparehistro.
An smoke emission result daw an usa ha mga nakakaiha ha pagparehistro hiton mga sarakyan mahitungod nga kulang daw iton mga gintugugan nga emission testing center.
Naaraba naman iton pira nga mga motorista mahitungod nga nakakalangan han proseso ngan mayda daw mga panahon nga natutuman nga dire naman nagana an system han LTO, rason agud nga magin kawang an ira pag-asikaso ha pagpaparehistro.
