NATIONAL – Gin-anunsyo han Department of Labor and Employment (DOLE) nga gin-aprubaran na han Regional Tripartite Wages and Productivity Board – National Capital Region (RTWPB-NCR) an P50 nga dugang sweldo ha mga mantratrabaho ha Metro Manila.
Ha kapas han bag-o nga wage order, madudugangan an inadlaw nga minimum nga sweldo ha NCR tikang ha P645 in magigin P695 para ha mga empleyado ha non-agriculture sector.
Samtang an ada naman ha agriculture sector in makaka-karawat hin P658 kada adlaw tikang ha anay dating P608.
Igpapatuman an bag-o nga wage increase tinikangan hiton Hulyo 18, 2025.
Subay ha DOLE, ine na an pinakahitaas nga dugang-sweldo nga ginhatag ha NCR wage board ha kasaysayan.
Panuyo han nasabi nga pitad in mabaton an padayon nga paghitaas han presyo han papliton ngan mapa-upay an pakabuhi han mga empleyado ha rehiyon.
