Nagpamatuod an usa nga Engineer han Department of Public Works and Highways (DPWH) nga nagdul-ong hiya hin dire maubos ha P5 milyon nga daw commitment fees tikang ha mga kontraktor kan anay DPWH Bulacan 1st District Engineer Henry Alcantara.
Sumala kan Carlo Rivera, kaprehas ini han 25 porsyento han kantidad han mga infrastructure project ha Bulacan tikang han 2022 kutob 2025. Ginmalatumat gihapon niya nga iginpasa ni Alcantara an salapi kan anay Ako Bicol Rep. Zaldy Co, nga nanhatag naman ha mga proponent han proyekto.
Iginlatag ni Rivera an testimonya ha bail hearing ni anay House Speaker Martin Romualdez kasumpay han kaso nga plunder ha gin aalegar P7.4 bilyon nga kickback scheme ha mga proyekto nga pan-imprastraktura han gobyerno.
Gin kumpirma gihapon ni Rivera nga nag-andam hiya hin listahan han mga proponent han flood control projects, kaupod hira Co, anay DPWH Undersecretary Roberto Bernardo, Senador Jinggoy Estrada, ngan anay Senador Ramon “Bong” Revilla Jr. Sugadman, gimalatumat hini nga dire nakalista hi Romualdez kumo proponents han nasabi nga listahan.
