Nakumpiska han Bureau of Customs (BOC), kaupod an Philippine Drug Enforcement Agency (PDEA) ngan NAIA Inter-Agency Drug Interdiction Task Group (NAIA-IADITG), an kabug-usan nga 24.8 kilo hin gin-aalegar nga marijuana kush nga nagkakantidad hin P24.79 milyon ha duha nga operayon ha NAIA Terminal 3.
Ha operasyon dida han Oktubre 29, 2026, naaresto an usa nga Amerikano nga pasahero nga umulpot tikang ha Bangkok, Thailand, mahuman makumpiska ha iya duha nga bagahe an 15 nga pakete han gin-aalegar nga marijuana kush nga may timbang nga 17,464 ka gramo ngan nagkakantidad hin P17.46 milyon. Nakatago an mga ini ha sakob han mga pakete han pagkaon.
Nadiskubre an kontrabando mahuman makitaan hin kahina-hinala nga litrato an mga bagahe ha X-ray screening ngan nagpositibo ha K9 inspection.
Tulo kaadlaw ugsa hini, nakumpiska gihapon han mga otoridad an 7,335 ka gramo han gin-aalegar nga marijuana kush nga nagkakantidad hin P7.33 milyon tikang ha mga abandonado nga bagahe nga tikang gihapon ha Bangkok.
