TACLOBAN CITY – Sobra daw hin kadako an P100 nga ginduduso han mga magbabalaod ha Senado kumo umento ha inadlaw nga sweldo han mga empleyado ha pribado nga sektor.
Sumala kan Eugene Tan, Presidente hiton Philippine Chamber of Commerce and Industry Tacloban and Leyte Chapter, nakikiduyog an pagduso han umento han sweldo ha pag-ubos han inflation rate han nasud kun diin gintitipahan daw hine an kadako han paghitaas han ig uumento.
Dugang pa hine, kinahanglan daw ine nga pagbabana-banaon han mga magbabalaod mahitungod nga mayda gihapon ine ha epekto ha mga negosyante.
Dire naman daw hira balabag ha nasabi nga pag umento pira kitaon daw an magigin epekto hine mahitungod nga sobra hin kadako an P100 ngan posible nga makurian gihapon an iba nga mga negosyante.
