INTERNATIONAL – Pormal na nga lumingkod ha pwesto kumo ika-47 nga Presidente han Estados Unidos hi US President Donald Trump, kanina han alas-12 han udto, oras ha Washington DC.
Ha inaugural address, in gin pahayag hine han iya mga bubuhaton ha Amerika, kun ano an iya tatagan hin pansin, ngan kun patiunan-o niya nakikita an ira nasud.
Dugang pa hine, an ira nasud in kaka-awaan han kalibutan ngan dire pagraraug-daugon han bisan hin-o.
Gin pahayag gihapon hine nga mapirma hiya hin ‘series of executive orders’ nga mapukos ha imigrasyon ngan ekonomiya.
Magdi-deklara gihapon ine hin national emergency ha may timog nga parte han ira border, pagpapa-undang han imigrasyon, ngan pagpapa-deport han mga kriminal nga imigrants.
Labot pa hine in magdi-deklara gihapon ine hin national energy emergency nga magpapawaray-bisa ha Green New Deal ngan han mandato han electric vehicle ngan maghihimo hin “External Revenue Service” agud ig-lebel an taripa kontra ha mga produkto han iba nga nasud.
Gin pahayag gihapon hine nga hihimuon niya nga polisiya han Estados Unidos nga duha la an kikilal-on nga kinatawo han ira nasud–lalaki ngan babaye.
Manunumduman nga nagpatapod hin Trump durante han kampanya pala hine nga igduduso niya an taripa ha mga langyawanon nga produkto, pagpahaluag han pag-drill, ngan pagpapa-deport han mga imigrante nga waray legal nga dokumento ha ira nasud.
