TACLOBAN CITY – Mapasinalamaton hi outgoing Tacloban City Police Office (TCPO) City Director PSSupt. Rolando Bade ha naging pagsuporta ha iya liderato ha sakob hin sobra duha katuig.
Ini an naging pahayag ni PSSupt. Bade ha gindumara nga turn over ceremony ha TCPO kun diin gintudlok kumo bag-o nga OIC City Director hi PSSupt. Carlito Abriz.
Sumala kan Bade, dako an iya pasalamat ha tanan nga bumulig ngan nakipagsumpayan ha mga kapulisan ha sakob han iya liderato nga naging rason naman han pagkab-ot han hitaas nga ratings ngan sugadman mga accomplishments han TCPO.
Nahibaruan nga magiging Acting Chief na hi PSSupt. Bade han Regional Operations and Plans Division (ROPD) han Police Regional Office 8 (PRO 8) kun diin nakatutok ini ha mga direktiba, consolidation of reports partikular na an mga accomplishment reports.
