TACLOBAN CITY– Ginpapanginano na han Leyte Police Provincial Office (LPPO) an insidente hiton panmusil nga natabao barangay road ha Brgy. Salvacion, Albuera, Leyte, han pasado alas-7:00 han aga kakulop nga adlaw Hunyo 15, 2026, nga nagresulta hin pagkamatay han duha nga indibidwal ngan pagkasamad hin 3 nga iba.
Ha inisyal nga imbestigasyon, nagawas nga an mga biktima in sakay han Toyota Wigo ngan biyahe an mga ine pakadto ha proper han Albuera, Leyte, ngan pag-abot ha may Brgy. Salvacion, Albuera, Leyte han tigda panmumusilon han waray pa kakilala-i nga suspetsado.
Tungod han insidente, nakag-angkon hin igo hiton bala ha ulo ngan li-og an duha nga biktima nga nagin rason han ira dayon nga kamatayon, samtang nag-angkon naman hin igo ha magkalain-lain nga parte han lawas an 3 nga biktima ngan dayon naman ine nga gindara ha Ormoc District Hospital, Ormoc City para tagan hin medikal atensyon.
Dayon naman nga rumesponde ha insidente an mga tinaglawas han Albuera Municipal Police Station, kaupod an SWAT Team, ngan ginsigurado nga talwas na an lugar ngan nagdumara gihapon hin hot pursuit operation agud nga mahalpat an kumalagiw nga suspek.
Nakikipag-sumpayan na gihapon ha Scene of the Crime Operatives (SOCO) para ha pagproseso han crime scene ngan ebidensya. Ngan gin pro-proseso na an pangilal-an han suspek ngan motibo ha luyo han insidente.
Ginsigurado naman han LPPO ha publiko nga ira ginhihimo an ngatanan agud nga matudlok ngan madakop na an suspek.
Gin-aagaht gihapon an publiko nga makipagsumpayan ha ira buhatan nga posible makabulig ha mga otoridad maresolba an kaso.
Nakikisubo naman an Leyte Police Provincial Office ha mga pamilya han namatayan ngan ginpatapod nga padayon an ira imbestigasyon nga pagdudumaraon agud nga masigurado nga maihatag an hustisya.
