TACLOBAN CITY– Ginbabandilyo hiton Bureau of Fire Protection Region 8, ha publiko an ira Oplan Iwas Paputok, kasugbong an Department of Health Eastern Visayas.
Sumala kan BFP Regional Office Vlll, Acting Chief Fire Safety Inforcement Division, FSINSP. Darwin D. Orsolino, nga ha pagkyana naglilibot an ira mga tinaglawas para ipahibaro ha mga molopyo nga likayan an mga paburothon yana nga kapaskuhan ngan bag-o nga tuig.
Dugang pa hine, ha kaluyo nga naka standby an mga ine para hiton tidaraon nga pagtapo hiton bag-o nga tuig, ira gihapon ginpapanginano an mga ngan ginbabantayan an mga posible nga sunog.
Ginmalatumat ni FSINSP. Darwin Orsolino, ha sulod han 5 ka tuig, waray gud hira grabi nga nahipatik nga mga isidente hiton nabuthan, ine matungod han ira waray hunong nga pagpapahimatngon ha publiko kontra ha mga paburothon.
Nagpahimatngon naman ine nga kinahanglan magin responsable an ngatanan ha ira mga ginhihimo nga pitad, agud nga dire magbasol ha mga masunod nga tuig.
