TACLOBAN CITY — Padayon an pagsuporta han Tacloban City Agri Office ha asosasyon han G-HAB vegetables growers ha norte nga dapit han siyudad.
An mao nga grupo in ginbubug-os hin masobra 50 nga mga miyembro kun diin siyahan ini gin-organisa mahuman an super typhoon Yolanda.
Sumala kan Romelo Anade, Head han Tacloban City Agriculture Office, deri la usa kundi magkalain-lain nga mga utanon ngan prutas an ira gintatanom ha maabot 2,000 square meters nga commnunity garden ha northern baranggays.
Ha pagkayana in nakapagharvest na hira hin ‘sweet corns’ kun diin ginbabaligya nira ini hin P100 kada 3 kilos ha mga maruruyagon nga mga buyers.
Dugang pa han mao nga opisyal, an panhahatag hin mga programa ha mga parag-uma in agud makatindog an mga ini ha tagsa kalugaringon sugadman maging produktibo an ira panginabuhi.
