TACLOBAN CITY– Kadungan han pagtikang han pag-arangakada hiton pangangampanya, nagtikang gihapon an Commission on Election Easter Visayas han ira operation baklas.
Sumala kan Comelec Regional Office, Election Atty. Ma. Krishna Athena Elardo, an nasabi nga operation baklas in synchronize nga gindumara ha bug-os nga nasud, kun diin dinhi ha Sinirangan Bisayas in nagtikang ine pasado alas 8:00 hiton aga ngan naghuman naman han alas 5:00 hiton kulop.
Dugang pa hine, nga ha pagkayana an ira pala ginpapan-baklas an mga campaign poster han national candidates nga mga posters.
Ginpahibaro gihapon hine nga mahugot nga gindidire an pagbutang hin mga campaign materials ha mga pribado ngan pampubliko nga lugar, nga waray permiso tikang ha tag-iya.
Samtang ginpahibaro naman hine, nga gawas ha ira mandato an magbaklas hin mga campaign poster ha mga pribado nga areas.
Nanawagan naman ine ha tanan nga mga kandidato dinhi ha rehiyon, nga magsunod ha mga ginpapatuman nga aludayday yana nga nagtikang na iton pangangampanya.
